Siroka taldearen “Bihotzetatik zintzilik” kantaren bertsio akustiko berrian parte hartu du Gorka Suaiak

Captura de pantalla 2015-01-04 a las 18.31.00

Siroka taldeak Euskal preso politikoen senide eta lagunentzako errekonozimendu eta opari gisa aurkeztu du kanta, bisitetatik bueltan etorri-berri diren guztientzako. Kanta egun berezian aurkeztu dute hurrengo asteburuan seniderik egongo ez delako espetxeetara bidean NowBilbora mobilizazioan parte hartuko dutelako.

Bost urte igaro dira Siroka taldeak Bihotzetatik zintzilik kanta aurkeztu zuenetik. 1825 egun, 43800 ordu. Tamalez, kantaren mezua ez da iraganeko kontu bat; bost urte hauetan mugimendu politiko batzuk oso sakonak izan diren bitartean, preso, senide eta lagunen giza eskubideak astebururo, uneoro, urratuak dira.

Horregatik, oraindik dirauen estatuaren biolentzia salatu eta sufritzen dutenei opari eta errekonozimendu gisa, Siroka taldeak, Etxerat elkartearekin batera, Bihotzetatik zintzilik abestiaren bertsio akustikoa aurkezten digute gaur.

Siroka taldeko Maria Riverok adierazi duenez, “oraingo honetan kantaren bertsio akustikoa egin dugu -pianoa edota biolinak eta biolontxeloarekin-. Baina ez hori bakarrik, gurekin batera, kolaboratzaile ugarik hartu dute parte”. Bihotzetatik zintzilik abestiaren bertsio akustikoan, besteak beste, Petti, Zaloa Urain, Antton, Gorka Suaia, Igor Arzuaga… hartu dute parte. Abestia, Kaki Arkarazoren produkzio eta gidaritzapean egin dute baita Garaten, Andoaingo bere estudioan grabatu ere. Kantarekin batera, bideoklip bat argitaratuko dute gaur, estudioan bertan grabatutakoarekin bideoa prestatu baitute Goizeder Saez de la Fuenterekin.

Ondoren duzue bideoa ikusgai eta HEMEN kantua deskargagai.

Datu teknikoak:

Biolontxeloa: Andres Monsalve Biolina: Amaia Pavon (Ain1) eta Aritz Madariaga; Pianoa eta moldaketak: Igor Arzuaga; Ahotsak: Zaloa (Kokein), Petti, Antton, Gorka Suaia; Musika: Siroka; Hitzak: Beñat Zarrabeitia, Siroka, Gorka Suaia; Produkzioa eta grabaketa: Kaki Arkarazo; Bideoklipa: Goizeder Saez de Lafuente; Argazkiak: Eider Iturriaga.

Advertisements

Gorka Suaia Guda Dantza taldearen disko berrian

guda dantza slide

“Lainoak eta Oskarbiak” diskoa kaleratu berri dute, Karena Crowfunding plataformaren bitartez egindako kanpainian, grabatzeko eta kopiak egiteko behar zuten dirua baino gehiago lortu ondoren.

“Lainoak eta Oskarbiak” Guda Dantza talde gaztearen lehen diskoa da. Disko honek, taldearen esanetan, egunerokotasunaren lainoak eta oskarbiak isladatzen ditu erritmo dantzagarri eta doinu sarkorrez lagunduta. Lan kontzeptual bat ez den arren, kantuek taldea bereizten duen kutsu baiezkorra dute ezaugarri nagusitzat. ”Lainoak eta Oskarbiak” oso disko anitza da, influentzia askotarikoa (rock, ska country, erritmo latinoak, reggae…). Arazoak alde batean utzi eta guztiz deskonektatzeko diska egokia da.

HEMEN DESKARGATU dezakezue diskoa eta laster Spotify eta denda digitaletan erosteko aukera ere izango duzue.

Bateriak Jabi Palaciosen Konjuntibitis Estudioan grabatu zituzten eta gainontzekoa Kike Moraren gidaritzapean grabatu dute Begoñako K.M.T. Estudioan.

Lagunez eta miresten dituzten musikari ezberdinetaz inguratu dira lehen disko honetarako eta kolaboratzera gonbidatu dituzte Vendetta taldeko Pello Reparaz, Esne Beltzako Gorka Suaia, Striknina taldeko Gago, Raul Dingos & Flamingos edota Pottoki eta Txeroki perkusiojoleak ere.

Guda Dantza Ska!!!

121 APACHE ETA GORKA SUAIA. OROIMENA EZ DA DELITUA!

121apache

Julen, Maku, Zior eta Zelaietari urtebeteko zigorra ezarri nahi diete iritzi artikulu bat idazteagatik. Hori dela eta hurrengo ostegunean, Norte Apache, Gorka Suaia eta 121 Krew taldeek bat egingo dute 121Apache bezala aurkeztuko dira inputatuei babesa ematera kontzertu berezi batean.

Hitzordu berezia daukagu danok ostegun honetan, urriak 16, 21etatik aurrera Bilbiko Larrabetzu tabernan. Aukera berezi honetarako, beste batzuetan gertatu den moduan, Norte Apache, Gorka Suaia eta 121 krew rap taldeek beraien indarrak batuko dituzte, Julen, Maku, Zior eta Zelaietari babesa eskeintzeko. Lau gazte hauei urte bateko espetxe zigorra ezarri diete iritzi artikulo bat egitegaitik. Eragile eta herritar asko izan dira kriminalizazio prozesu honen aurka agertu direnak. Sormenaren mundutik ere gure aportazioa egin nahi dugu kontzertu honen bitartez, eta Dj Kanakyren base sendoen gainean, Rayco, Lahaine, Maisha, Gorka Suaia eta Lamá abeslariak arituko dira.

GAZTERIA AURRERA! OROIMENA EZ DA DELITUA! IRITZIA LIBRE!

http://oroimenadelitudenean.blogspot.com.es/

GREBALARIAK ASKE! SUAIA ETA LAHAINEREN KANTU BERRIA URTZI ETA TELLE GREBALARIEI BABESA EMANEZ

Grebalariak aske! kantua aurkeztu dute Gorka Suaia eta Endika Lahainek Deustuko Urtzi eta Telle gazte grebalariei elkartasuna adierazteko eta langileri mugimenduaren kriminalizazioaren kontra.

“Herria altxatzean sistemaren mendekua”, halaxe dio Endika Lahainek Gorka Suaiarekin batera gaur kaleratu duten Grebalariak aske! izenburua duen abesti berri honetan.

Urtzi eta Telle, greba jardunaldi batean ustez istilu batzuetan parte hartzeagatik bi urte eta erdiko espetxe zigorra jaso duten gazte deustuarrak dira. Urriaren 2an gartzelan aurkezteko epea bukatu zitzaien eta Grebalariak Aske! plataformak adierazi zuenez, bi gaztek desobedientziaren bidera joko dute, eta Aske Gunea osatzera deitu dute Urriaren 11an deustuko San Pedro plazan.

Muntai polizial honek suposatzen duen langileriari eraso berri honen aurrean, Gorka Suaia eta Endika Lahainek beraien ekarpen xumea egin nahi izan dute beharrezko abesti baten bidez.

Ekoizpen musikalari dagokionez Gorka Suaia programazioetaz arduratu da eta David Nanclares, berriz, kitarraz. Kanta bilboko Euridia estudioan izan da nahastua eta masterizatua, Ibon Larruzea soinu injeniariaren eskutik.

Abestiarekin batera Gorka Chamorrok prestatu duen bideoa duzue ikusgai, non Urtzi eta Telleren egoera salatzeko egin diren hainbat ekintzen irudiak agertzen diren. Abestia, Suaia eta Lahainek elkarrekin prestatzen ari diren “Herrima” lan berriaren parte izango da. Hemen duzue ikusgai:

Kanta deskargatzeko klikatu HEMEN.

Taupaka elkartetik gure elkartasuna adierazi nahi diegu beste hainbat lekutan epaituak izaten ari diren muntai polizialen biktima guztiei.

Grebalariak aske!

 

Auzi honi buruzko informazio gehiago:

http://grebalariakaske.wordpress.com/

AKA Askapen Sound