GORKA SUAIAK IÑIGO CABACASEN ERAILKETAREN URTEURRENERAKO EGINDAKO DUB OMENALDIA IRUDIETAN: “IÑIGO CABACAS GOGOAN DUB”

C8zNqy5XYAUYRpq

Gorka Suaiak “Piztu Mixtape” azken lanean Iñigo Cabacasi eskaini zion reggae-dub omenaldiaren bideoa aurkeztu du, Tiro Pun Ekoizpenak-ekin elkarlanean. Gorka Suaiak 2016ko azaroan kaleratutako 22 abestiz osatutako “Piztu! Mixtape” (Taupaka Elkartea) diskoan, Iñigo Cabacasi omenaldia egiteko kantua aurkezten du: “Iñigo Cabacas gogoan dub” eta gaurkoan, abesti horren bideoklipa aurkezten digu sortzaileak.

Gorka Suaiak, proiektu ezberdinetan parte hartu eta gero (Kodigo Norte, Esne Beltza, Suaia eta Lahaine,…), bere bakarkako sorkuntzari bidea ematen dio, 2016ko azaroan bere abesti guztien erremixak disko bakar batean barnebilduz, Kimo Soundz-ek nahastutako 22 kantuz osatutako mixtape batean.

“Iñigo Cabacas gogoan dub”: 5.urteurrenean omenaldia irudietan.

Data sinboliko eta berezi honekin bat egiteko asmoz, Gorka Suaiak Piztu! Mixtape azken lanean Iñigori eskaini zion reggae-dub omenaldiaren bideoa argitaratu du, Tiro Pun Ekoizpenak-ekin elkarlanean.

Igandean Iñigo Cabacasen erailketaren bostgarren urteurrena beteko da, bost urtez justizia eske, bost urte luze inpunitate eta ahanzturaren aurka borrokan.

Akerjenbe Sound Sistema eta lagunak, Gorka Suaia Etxarri gaztetxearen aldeko elkartasun jaian

c5oapguxaaqfbkl-jpg-large

Hurrengo larunbatean, martxoak 4,  Etxarri gaztetxearen aldeko elkartasun eguna ospatuko da 7 Katu gaztetxean. Egitarau zabala prestatu dute Etxarriko lagunek: bertso bazkaria, mahai ingurua, kalejira eta kontzertuak.

Oholtza gainean, 9etatik aurrera,  Akerjenbe Sound Sistema eta lagunak, Ziribulio Sound eta Orbanak izango dira. Akerjenberekin batera Gorka Suaia mikroan izango da besteak beste.

Bildutako dirua auziaren gastuei aurre egiteko izango da. Anima zaitez, eta zatoz 7 Katura!

 

 

#alFREEdo , OTSAILAK 11 ELKARTASUN EGUNA AMURRION

Otsailak 11 Amurrion, ErreHarriarekin ospatuko den elkartasun egunean Kimo Soundz arituko da Endika Lahaine eta Gorka Suaiarekin batera, #alFREEdoren epaiketarako sostengua biltzeko asmoz, estatu espainolaren eskubide urraketak salatu, eta adierazpen askatasuna aldarrikatzeko.

Goizetik hasita, trikipoteoa, indabak, argazki masiboa eta manifa, kontzertuak, Izatefaltsua Metal band, Gorka Suaia, Endika Lahaine, eta sorpresaren bat gehiago… Egun ederra izango da, elkartasunetik hazia, zatoz zu bebai!

ErreHarria LIBRE, txiolariak LIBRE!!

Info gehiago:

alfreedo.info

otsailak11tx-1200x1675

Gorka Suaia Euskal Dub Etxearekin batera Sopelan eta Laudion

Gorka Suaiak mikroan lagunduko dio Euskal Dub Etxearen sound sistemari hurrengo bi kontzertutan. Urtarrilak 14 Sopelako Sunset tabernan, eta urtarrilak 21 Laudioko gaztetxean, Aiaraldeko Sound Sistemak antolatu duen soundsystem meetingean.

Euskal Dub Etxea eta Gorka Suaiaren Errealitatea Vs Fikzioa abestia entzun hurrengo loturan entzungai:

https://gorkasuaia.bandcamp.com/track/errealitatea-vs-fikzioa-prod-euskal-dub-etxea

GORKA SUAIA AKA ASKAPEN SOUND “BONBERENEA 1997 HIT ERREMIXAK” BILDUMAN

bonberenea-1997-hit-erremixak-banner

1997. urteko abenduaren 23an okupatu zuen gaur egun Bonberenea izena daraman kolektiboak aurreneko eraikina, Tolosako “Bonbero” edo suhiltzaileen egoitza izandako eraikin bat. Oso denbora gutxi iraun zuten bertan, Udalak parking bat beharrezkoagotzat jo eta eraitsi egin zuelako. Aurreneko kapitulua besterik ez zen izan, ordea, ondoren beste eraikin bat okupatu zelako, eta horren ondoren beste bat… Gaur egun bizi-bizirik dagoen mugimendua da Tolosako piromanoena, eta datorren urtean 20 urte beteko dituzte kolektibo bezala.

Honen harira eta garai hartako hito garrantzitsuenetako bat gogoratzeko asmoz, datorren azaroaren 26an kaleratuko da “BONBERENEA 1997 HIT ERREMIXAK” bilduma, urte luze hauetan zehar kolektiboarekin harremana izan duten zortzi ekoizlek osatua. Izenak 1998an kaleratu eta berehala ospetsu bilakatu zen “Inauteri 98 HIT” abestiari egiten dio erreferentzia, hain zuzen ere Deabruak Teilatuetan taldeak hainbat lagunekin batera egindako ereserkiari. Abesti hura omentzeko asmoz, grabaketako pista analogiko originalak berreskuratu eta musika estilo ezberdinetako ekoizleei helarazi zitzaizkien, bakoitzak bere ukitua eman ziezaion. Abiapuntua berbera izan da guztientzat. Helmuga, berriz, guztiz ezberdina.

Horrela, Euskal Herriko sei musikagile edo taldek hartu dute parte: Revolta Permanent, Selektah Stepi (Bad Sound System), DZ eta Pini (Esne Beltza), Anita Parker (Gose), Gorka Suaia a.k.a. Askapen Sound eta Little martin Selektah (Ziribulio Sound). Hauetaz gain, nazioarteko parte hartzea ere izan du bildumak, japoniako DJ Norio eta AEBetako Tea Mage ekoizleak hain zuzen ere.

Reggaea, hip hopa, musika elektronikoa, ambient estiloa… Hainbat estilo ezberdin aurkitu ditzakezu CD honetan. Guztiek izan dute abiapuntu berbera: Deabruak Teilatuetan taldearen “Inauteri 98 HIT” abestia. Nora iritsi diren jakiteko, “BONBERENEA 1997 HIT ERREMIXAK” diskoa “pintxatu” besterik ez duzu. Gozatu!

bonberenea-hit-97-erremixak_web1

TRACKLIST:
1- Revolta Permanent
2- DZ feat. Pini
3- Stepi Selektah feat. Moneo & Tobal
4- Little Martin feat. Ziribulios
5- DJ Norio
6- Tea Mage
7- Anita Parker
8- Gorka Suaia A.K.A. Askapen Sound
9- Inauteri 98 HIT (Deabruak Teilatuetan).

Harremanetarako:
info@bonberenea.com

AKA Askapen Sound